Treningssamling 6.-7. januar

Barnepartiet fekk overnatta i gymsalen denne gongen, og hadde ein koseleg kveld sjølv om det var litt kaldt. Om kvelden gjekk dei også ein liten runde med julebukk, sjølvsagt utkledd som judoutøvarar.

Sundag morgon hadde barnepartiet ei lang økt med mykje leik og litt judo. Her fekk Timian på 11 år prøva seg som trenar for første gong, og me fekk også gleda av å ha med den engasjerte og dyktige sportssjefen i Norges Judoforbund, Tore Fauske Haugen, som gjestetrenar. Han gjesta klubben heile helga, som oppfølging av Kjetil som var på trenarkurs i fjor vinter.

Etterpå hadde me open dag, med trening for alle våre eigne medlemmar og nokre som kom på besøk og hadde lyst å prøva judo for første gong. Eit fantastisk arrangement med over 20 barn, nokre ungdommar og dei fleste av klubben sine trenarar på matta samtidig.

Me takkar trenarar, utøvarar og dugnadsgjengen for ei fin helg med mykje engasjement og idrettsglede.